الاستفسار الأول
 السلام عليكم و رحمة الله و بركاته:-
 أنا أحب أنضم لكم في “كيف تربح من الانترنت”و
 لكني لدي بعض الاستفسارات أرجو توضيحها من فضلكم


 أولا حضرتك يعني حتكسب ايه إنك تخلي كل حاجة مجانا كده؟
 و ليه يعني متخليهاش دروس على النت و ماتبعتش لينكاتها غير للمشتركين معاك مثلا يعني؟
 وهل حضرتك يعني هتجمع مجموعات مثلا في كل محافظة مجموعة في أنسب ميعاد ليهم ؟
 و هل في ناس اشتركت بالفعل أو حضرتك بدات فعلا في التنفيذ,و لو ده حصل كان أد ايه عدد المجموعة تقريبا؟
 و هل في بنات؟
 و هل ممكن أن اطلب مثلا إني أكون مع شخص معين في نفس المجموعة أم أن هناك توزيعات محددة؟
 


 أنا أسفة جدا على كثرة الاستفسارات
 بس أنا بجد عايزة أعرف
 و جزاكم الله خيرا
 و جعله الله في ميزان حسناتكم
 
 
 و بعد وعدي لها بأن أرد عليها ارسلت إلينا بريد إلكتروني آخر تقول فيه ,


 الاستفسار الثاني
 جزاك الله خيرا على الاهتمام
 و
 sorry
 يعني بس عندي سؤال كمان
 ايه لزمة البيانات الشخصية دي كلها أو
 at least
 بعضهم
 يعني مثلا ايه لزمة العنوان وتليفون البيت؟
 يعني الموبايل اوكي للاتصال
 السن و المهنة و التعليم اوكي علشان تعرف ايه المستوى العقلي و التعليمي للي حضرتك بتتعامل معاه
 لكن ليه بقى العنوان وتليفون البيت؟
 أرجو ضم السؤال ده مع الباقي
 و جزاك الله خيرا و جعله الله في ميزات حسناتك


 
 ردي على هذه الأسئلة
 
 س: أولا حضرتك يعني حتكسب ايه إنك تخلي كل حاجة مجانا كده؟
 ج: أولا انا هاكسب ان عندى فريقين من زوار المواقع بتاعتي إما مشكك في الفكرة و لما يكسب فلوس من و أنا معاه هاكون استفدت
 أنى أثبت أفكاري و أنى ما بقولش أي كلام ( و أما الفريق الثاني ) أو أنه عايز يتعلم و مامعوش فلوس و بكدا هاقدم الفرصة للي عنده رغبة حقيقية يتعلم
 انه يتعلم حتى لو مامعوش فلوس , أما بخصوص إن كل حاجة مجانية مش كل حاجة مجانية على سبيل المثال كتاب المتحولون و الوصلة و الكاش تو
www.Shababx.com
www.Ahmedsense.com
www.Easyseobook.com
 
 س : و ليه يعني متخليهاش دروس على النت و ماتبعتش لينكاتها غير للمشتركين معاك مثلا يعني؟
 ج : أولا موضوع ليه مخليهاش دروس على النت لأني عايز أشرح فى المقابلة دى كلام كتيير و عايز اضمن ان اللى بيقراه قاعد مركز علشان يفهمه
 لانه لو فتح الدروس و هو قاعد قدام التليفزيون أو مشغل فيلم على الكمبيوتر أكيد ماهيفهمش و هايقولى كلاممك غلط  . ثانيا لما أشوف الناس بتتلخبط في إيه
وهيا بتربح من الإنترنت وإيه اللى ما بتعرفش تعملوه كويس هاركز عليه المرة اللى بعدها فى الشرح ,
 
 س : وهل حضرتك يعني هتجمع مجموعات مثلا في كل محافظة مجموعة في أنسب ميعاد ليهم ؟
 ج : أيوا هاجمع الناس في كل محافظة في انسب ميعاد ليهم وليا علشان أكون انا مركز و انا بشرح و هما مركزين و هما بيفهموا فنحصل على نتيجة حقيقية 
و بخصوص المحافظات الكبيرة  هاقسمها على مجموعات تبعا للعدد يعني أكيد القاهرة مش هاعملها في مرة واحدة هاقسمها على مجموعات , الجيزة , و هكذا
 
 س : و هل في ناس اشتركت بالفعل أو حضرتك بدأت فعلا في التنفيذ,و لو ده حصل كان أد ايه عدد المجموعة تقريبا؟
 ج : أيوا في ناس اشتركت بالفعل و بداية التنفيذ ان شاء الله هايكون في خلال أيام على مجموعة مدينة نصر تستعد ان شاء الله هابدأ بيهم خلال أيام
 
 
 س: و هل في بنات؟
 ج : نعم في بنات و لكن عددهم مش كتير مع العلم ان في بنات كتير قوي قاعدين على النت إلا انى من يوم ما بدأت مشوارى فى تعليم الناس التجارة الإلكترونية
 إلا أني ملاحظ ان البنات عددهم أقل من الولاد  كتير خالص خالص خالص
 
 س: و هل ممكن أن اطلب مثلا إني أكون مع شخص معين في نفس المجموعة أم أن هناك توزيعات محددة؟
 ج: نعم يمكنك ان تطلب سواء حضرتك أو أي حد أن تكون مع شخص معين , أو تحضر أي عدد من الأفراد معك إلا أني هادفع تكاليف المقابلة بس لأعضاء الفريق لمتحولون ألفا
 و من يأتي من خارج الفريق عليه ان يتحمل تكاليفه بنفسه , و لو أي بنت تحب تجيب معاها الوالد أو الوالدة أو الأخ أو الأخت ما فيش أي مشكلة و الكلام دا طبعا للجميع
مع أن تكاليف القادمين الجدد ستكون عليهم  ملحوظة لا أحصل على أى مقابل لهذه المقابلات التدريبية بأي شكل أو وسيلة مجانية مجانية مجانية  و على من يأتي من خارج الفريق تحمل تكاليفه
 
 
 س: أنا آسفة جدا على كثرة الاستفسارات , بس أنا بجد عايزة أعرف , و جزاكم الله خيرا , و جعله الله في ميزان حسناتكم
 ج : مرحبا بك في أي وقت
 
 
 و بعد وعدي لها بأن أرد عليها أرسلت إلينا بريد إلكتروني آخر تقول فيه ,
 
 الاستفسار الثاني
 جزاك الله خيرا على الاهتمام و sorry يعني بس عندي سؤال كمان ايه لزمة البيانات الشخصية دي كلها أو at least بعضهم
 
 س : يعني مثلا ايه لزمة العنوان وتليفون البيت؟ يعني الموبايل اوكي للاتصال
 ج : بنحتاج عنوان البيت علشان نقدر نحدد الأماكن بسهولة و لو مش عايز تكتبه مافيش أي مشكلة هانرسل لأعضاء الفريق بريد إلكتروني يوم المقابلة و هاناكد على اللى هايرد بالتليفون
 و الموبايل لنفس الغرض بردوا
 
 س: السن و المهنة و التعليم اوكي علشان تعرف ايه المستوى العقلي و التعليمي للي حضرتك بتتعامل معاه لكن ليه بقى العنوان وتليفون البيت؟
 ج : انظرا إجابة السؤال السابق أعلاه
 
 س: أرجو ضم السؤال ده مع الباقي و جزاك الله خيرا و جعله الله في ميزات حسناتك
 ج : و إياكم و مرحبا بكٍ في أي وقت


 أرجوك , ساعدني انى أعلمك ازاى تكسب فلوس من الإنترنت ,
 لو في أى عائق استفسار مانع , اكتب هنا عرفنا إيه وجهة نظرك 

اكتب في الخانات اللي تحت  هنا

اسمك و بريدك الإلكتروني الموقع لو موجود و اكتب تعليقك و قولنا رأيك