لقاء قديم لي على التليفزيون المصري ,

السلام عليكم ,
صديقي العزيز , بينما يلازمني دور البرد الأسبوع الماضي كنت أبحث على سبيل التوهان فى الكمبيوتر الخاص بي ,,,
فوجدت ملف فيديو أسعدني ,, و فكرني بأيام ما كان لسه ليا شعر ,,, فكرني بأيام شباب دوت كوم ,,, بخلاف إنها كانت كخطوة بيزنس غلط
إلا إنها مليئة بالذكريات السعيدة ,,, و باسعد جدا لما حد يقابلني فى مواصلة عامة ,,, أو داخل أى شركة و يقولى انا شوفتك قبل كدا ,مابتحصلش كتير طبعا بس بتحصل أحيانا

و نفضل ندور نشوف امتى اتقابلنا او إيه الرابط المشترك بينا و في النهاية بنوصل إنه كان من أعضاء شباب دوت كوم القدامي ,,
وبعضهم حتى اليوم لسه فاكر قهوة شبابي ” واد يا ميشووووووووووو أيوا جاييييييييييي )

و بمناسبة القهوة , أحب أوضح أنى مش أول واحد عمل قهوة على النت أول واحد كان أخي العزيز و أستاذى الفاضل أحمد البحيري صاحب قهوة كتكوت
موقع هريدي دوت كوم ,,,,,

المهم علشان ماطولش عليكم و انا أصلا لسه ماوصلتش لمرحلة التوازن اللى فيها أعرف انا بحكيلكم ليه ,,, فعلا دور برد ابن برد بصحيح ( الحمد لله )
ابقوا شوفوا الفيديو و لو حد منكم كان من الزوار القدامي لموقع شبابي ,,, يرجع بالزمن ورا و يفتكر الأيام و المقالات و الرحلات الجملية اللى كنا بنعملها

أحمد محيى الدين ,
الوظيفة: يبحث عن زوجة
ادعولى ألاقيها ,,,, اللهم آمييييييين